Кыргызстандан Өзбекстанга эң арзан авиабилеттер

Aviabileti.kg онлайн-кызматында ыңгайлуу издөө системасы аркылуу Кыргызстандан Өзбекстанга авиабилеттерди таап, сатып алсаңыз болот. Биздин компания белгилүү ташуучу компаниялар менен кызматташат жана кардарларга дүйнө жүзү боюнча арзан рейстерди сунуштайт.

Өзбекстанга авиабилеттердин баалары

Өзбекстанга учкан рейстин баасына учуп чыгуучу жана конуучу шаар менен аэропорт, мезгил, арзандатуулар жана акциялар, ташуучу компаниянын саясаты жана бош орундардын саны таасир этет. Белгилүү бир тарифтин баасын Aviabileti.kg сайтынан билсеңиз болот. Авиакассада жыйынтыктарды арзандыгы боюнча иреттеген жөнөкөй издөө системасы бар. Баасы жана убактысы боюнча эң ылайыктуу рейсти тандоо үчүн ар кайсы авиакомпаниялардын учууларын салыштыруу таблицасын колдонсоңуз болот.

Бишкектен Өзбекстанга авиабилеттер

«Манас» аэропортунан (FRU) негизги багыттар	Бишкектен Өзбекстанга авиабилеттердин орточо баасы (сом менен)
Ташкент	12 миң
Нукус	53 миң
Анжиян	51 миң
Үргенч	41 миң
Самарканд	35 миң
Бухара	40 миң
Фергана	41 миң

Оштон Өзбекстанга авиабилеттер

«Ош» аэропортунан (OSS) негизги багыттар	Оштон учкан билеттин орточо баасы (сом менен)
Ташкент	43 миң
Нукус	90 миң
Самарканд	48 миң
Фергана	67 миң

Виза жана учуу

Кыргызстан менен Өзбекстандын ортосунда 60 суткага чейин визасыз режим жөнүндө келишим иштейт. Өлкөдө мындан узак жүрүүнү пландагандардын ички жана чет өлкөгө чыгуучу паспорту болушу керек, мындан тышкары алар миграция бөлүмүнөн виза алышы зарыл.

Өзбекстанга түз рейстер Бишкек – Ташкент багыты боюнча учат. Учуу 1,5 саатка созулат. Транзиттик жана которулуу менен учуулар болжол менен бир суткага созулушу мүмкүн.

Авиабилет сатып алуу үчүн эң ыңгайлуу убакыт

Өзбекстанга авиабилеттерди жыл бою сатып алса болот. Кеч жаз жана эрте күз – археологиялык эстеликтер жана диний ыйык жайлар менен таанышуу үчүн эң ыңгайлуу мезгил. Кышкы активдүү эс алуу Чимган тоолорунда жана Бельдерсай аймагында уюштурулат. Бул жерлер спорттук туризмге ылайыктуу.

Өзбекстанга билетти сапарга 2–6 ай калганда сатып алган жакшы. Арзан тарифтер жуманын ортосунда (шейшемби, шаршемби) сутканын алгачкы сааттарында кездешет. Орунду алдын ала сатып алганда тарифте билетти кайтаруу мүмкүнчүлүгү каралганын текшериңиз.

Өзбекстандын ири шаарлары жана аэропорттору

Кыргызстандан Өзбекстанга негизги авиарейстер	Аэропорт	Коду
Ташкент	И. Каримов атындагы аэропорт	TAS
Нукус	Нукус	NCU
Анжиян	Бабур атындагы аэропорт	AZN
Үргенч	Үргенч	UGC
Самарканд	Самарканд	SKD
Бухара	Бухара	BHK
Фергана	Фергана	FEG

Убакыт жана байланыш

Өлкө UTC +5 убакыт алкагында жайгашкан. Келгенде саатты бир саат артка жылдыруу керек. Жайкы жана кышкы убакытка өтүү колдонулбайт.

Акысыз Wi-Fi тармагы мейманканаларда, ресторандарда жана интернет-кафелерде иштейт. Байланышта болуу үчүн өз операторуңуздан роумингди туташтырсаңыз же UCell, Beeline, Mobiuz же «МТС» компанияларынын SIM-картасын сатып алсаңыз болот. Эл аралык номерлерге почта бөлүмдөрүндөгү автомат-телефондордон чалса болот. Операторлор шаарлардын жана өлкөлөрдүн коддорун айтып беришет. Көчөдөгү таксофондордон чалуу үчүн дүкөнчөлөрдө атайын карточкалар сатылат.

Акча жана соода

Расмий валюта – өзбек суму (UZS). Бир кыргыз сому 123 сумга барабар, бир АКШ доллары – 10 505 UZS. Акча банктардын бөлүмдөрүндө жана атайын пункттарда алмаштырылат. Ар бир мекеменин так иштөө тартибин анын расмий сайтынан тактап алыңыз. «Капиталбанктын» тиркемесинде банктын кардары болбосоңуз да валютаны онлайн алмаштырууга болот.

Өлкөнүн ар кайсы шаарларына саякаттаганда накталай акча алып жүргөн жакшы, анткени банк картасы менен бардык жерде эле төлөй албайсыз.

Базарда соодалашуу салтка айланган, кээде жаккан сувенирдин же аксессуардын баасын эки эсе түшүрүүгө болот.

Транспорт жана турак жай

Ташкенттин борборунда all inclusive кызматы бар орто жана жогорку деңгээлдеги мейманканалар жайгашкан. Пикирлерди окуп, бөлмө тандап, атайын кызматтар же мейманкананын расмий сайты аркылуу брондосоңуз болот.

Өлкө боюнча арзан пансионаттар, конок үйлөрү жана батирлер бар. Арзан турак жайды алдын ала издеп, акысыз Wi-Fi бар-жогун тактап алыңыз.

Шаарда коомдук транспорт, такси же жеке унаа менен жүрсөңүз болот. Акыркысы эң пайдалуу, анткени такси айдоочулары көп учурда кире акыны ашырып алышат. Расмий прокат кызматтары жок, бирок унааны жергиликтүү тургундардан ижарага алсаңыз же ири мейманканалар аркылуу заказ кылсаңыз болот.